Мысық тұқымдарының ішінде бенгал мысығы ерекше көрінісімен және мінезімен дараланады. Оның жабайы мысықтарға ұқсайтын терісі мен сергек мінезі кез келген адамды таңдандырады. Бұл жануар үй жағдайында өмір сүруге бейімделсе де, өзінің аңшылық түйсігін сақтап қалған. Бенгал тұқымы сұлулықты, ақылды мінезді және ерекше белсенділікті бір бойына жинаған. Осындай ерекшеліктеріне байланысты ол соңғы жылдары әлем бойынша үлкен танымалдыққа ие болуда. Назарларыңызға бенгал мысықтары туралы 28 қызықты мәліметтер ұсынамыз — олар сізге бұл жануарды жақынырақ тануға көмектеседі.

Бенгал мысығы жабайы азиялық леопард мысығы мен үй мысығын будандастыру арқылы алынған. Тұқым АҚШ-та 1960-жылдары пайда болған.
Тұқымның негізін қалаушы – Джин Милл есімді селекционер. Ол жабайы сыртқы келбеті бар, бірақ мейірімді мінезді үй жануарын жасауды армандаған.
«Бенгал» атауы оның жабайы ата-тегінің латынша атауынан – Prionailurus bengalensis алынған.
Бұл мысықтардың жүні леопард немесе ягуарға ұқсайды. Әр жануардың дақтары мен суреті өзіне ғана тән болады.
Қысқа әрі жібектей жұмсақ жүнінің ерекше жылтырлығы бар. Кейбір бенгалдарда жарық түскенде «глиттер» деп аталатын жылтырау байқалады.
Олар – мысықтардың ең белсенді тұқымдарының бірі. Ойын, қозғалыс пен назар олар үшін өте маңызды.
Бенгалдар өте ақылды. Олар оңай үйретіледі, есікті аша алады және командаларды жақсы меңгереді.
Дұрыс әлеуметтендірілсе, балалармен және басқа үй жануарларымен жақсы тіл табысады. Бірақ олардың шекарасы нақты белгіленуі керек.
Жабайы шыққанымен, бенгалдар иесіне өте бауырмал. Олар адамдармен бірге болуды ұнатады.
Дауысы ерекше — ол кейде ырылдауға, шиқылдауға немесе тіпті адамша «сөйлегенге» ұқсайды.
Бұл мысықтар суды жақсы көреді. Көпшілігі ваннаға түсіп, краннан аққан сумен ойнағанды ұнатады.
Бенгалдар өте жақсы секіреді. Олар шкаф, тоңазытқыш, перде карнизі сияқты биік жерлерге оңай көтеріледі.
Оларға көп ойыншық, лазалка мен тырнағыш қажет. Әйтпесе, үйдегі заттарға зиян келтіруі мүмкін.
Бұл тұқым гипоаллергенді саналады, бірақ бұл аллергия болмайды деген сөз емес – бәрі жеке организмге байланысты.
Еркектері ұрғашыларынан ірі болады. Аталығы 7–8 кг-ға дейін жетсе, аналығы 4–5 кг шамасында болады.
Орташа өмір сүру ұзақтығы – 12–16 жыл. Жақсы күтім жағдайында одан да ұзақ өмір сүре алады.
Олар өте әлеуметтік. Үй иесінің қасында жүріп, әр іске араласқанды ұнатады.
Бенгалдар иесімен «әңгімелескенді» ұнатады. Олар түрлі дыбыстармен жауап беріп, қарым-қатынас орнатады.
Кейбіреуі ит сияқты ойыншық алып келуді үйренеді. Бұл белсенді мысықтарға қатты ұнайды.
Табиғи инстинкті жақсы дамыған. Қозғалыстағы нысанды аң сияқты аңдып, дәл шабуылдай алады.
Жүн күтімі аса көп талап етпейді. Аптасына бір рет тарау жеткілікті.
Азығы теңгерімді және сапалы болуы тиіс. Белсенді мысықтарға ақуыз мөлшері жоғары тағам қажет.
Олар көп назар талап етеді, сондықтан жиі үйде болмайтын адамдарға жарамайды. Олай болмаса, мысық іштен тын және агрессивті болып кетуі мүмкін.
Бенгалдар кей тұқымдарға тән кейбір тұқым қуалайтын ауруларға бейім. Сондықтан тексерілген және құжаттары бар селекционерден алған жөн.
Жақсы үйретілсе, олар оңай бағынады. Мадақтау әдісімен қалаулы мінез-құлықты қалыптастыруға болады.
Бенгалдар бір сарынды ортадан тез жалығады. Сондықтан ойыншықтарды жиі ауыстырып, шлейкамен серуендеуді де қолға алған дұрыс.
Бұл тұқым сәнді болып саналады. Бенгал мысығының бағасы бірнеше мың долларға дейін жетуі мүмкін.
Бенгал – тек үй жануары емес, өзіндік мінезі, ақылы мен талғамы бар тіршілік иесі. Ол иесіне назар аударуды талап етеді, бірақ соған лайық сүйіспеншілік пен адалдық сыйлайды.

Бенгал мысықтары – тек сұлулығымен ғана емес, ерекше мінезімен де адамды баурайтын жануарлар. Олар нағыз серік бола алады, бірақ толыққанды қарым-қатынас пен белсенді өмір салтын қажет етеді. Егер оларға жеткілікті уақыт, ойын және махаббат бөлсеңіз, бұл мысық сіздің отбасыңыздың ажырамас бөлігіне айналады. Мұндай серіктің жанында күнделікті өмір жарқын, қызықты және күтпеген тосын сыйларға толы болмақ.

🤔Бұл пост қаншалықты пайдалы болды?👇

Бағалау үшін жұлдызшаны басыңыз!